Miss naka pink
Alam mo ba na habang nasa labas ka palang, ay napansin ko na agad ang iyong kagandahan. Hindi ko mapigilan ang aking mga mata na titigan ka habang ikay papasok sa tindahan.
Bagay na bagay sayo ang suot mong sleeveless na pink. Napaka lakas ng iyong dating sa akin, hindi ko na halos ma aninag ang napaka itim mong mga mata dahil sa sobrang pagka singkit ng mga ito. Idagdag mo pa ang maliit na nunal sa ilalim ng iyong kaliwang mata, pati na din ang dimples sa ilalim ng iyong mamula-mulang pisngi. Isama mo na din ang iyong maikli at bahagyang kulay pulang buhok.
Akoy napapahinto sa tuwing gumagalaw ang iyong mala rosas na labi. Napaka natural ng mga ito, hindi ko maiwasang isipin na ikay aking hinahalikan. Natawa nalang ako nang ako ay iyong gisingin mula sa aking panaginip.
Kaylan man ay hindi ko malilimutan ang pag pitik ng iyong dailiri sa aking harapan, dahilan upang akoy muling bumalik sa aking katinuan. Pasensya kana miss naka pink, hindi ko namalayan na panandalian ko na palang iniwan ang reyalidad ng dahil sa iyong kagandahan.
Kahit sandali lang tayong nagusap, okay na para saakin yun. Nakaka lungkot man isipin tanging ang isang napaka gandang ngiti lang ang iyong iniwan saakin. Miss naka pink wag ka muna sanang umalis, madami ka pa dyan na pwedeng pag pilian at bilhin.
Miss naka pink, nais kong malaman ang iyong pangalan.
Ngunit hindi mo yata narinig ang sigaw ng aking puso kaya tuluyan ka ng lumayo, wala akong magagawa kung hindi ang pagmasdan ang iyong pag lisan.
Paalam miss naka pink, sana ay muli kang bumalik.
No comments:
Post a Comment